جدول الامتحانات خدعوك فقالوا

الى حد ما كويس
بس في مجاميع مظلومة في امتحانات معينة
كمثال : لما جينا نلم امضاءات انهردة عشان نغير معاد امتحان عملى الفورنسك بتاع مجموعة خمسة وستة
فوجئنا ان مجموعة الكوميونتي الحالية مطلعش منها غير امضاءان
يعني اتنين بس اللي مضوا
والباقى مش عايز وللا عجبه الكالام !؟!؟

المهم هوا دا اللي اتعودنا عليه عموما من مثل شباب هذه الكلية
اللي بتطلع ناس سلبيين
الناس تخش الكلية سلبيين وتطلع من الكلية اكتر سلبية

تحت شعارات وثنية
خليني جنب الحيط
انا ومن بعدي الطوفان
ابعد عن الشر وغنيله

دا حتى الناس كلها هاصت وقالت عايزين امتحان الكوميونتي يكون اختيارات بس
ولما القسم فكر
قال تعالوا في اليوم العلمي بتاع القسم واطلبوا كده
ومحدش راح

طب عايزين ايه كمان !؟!؟
توصيل الامتحانات للمنازل

وبعدين تيجي تبص للشكاوي المتقدمة من بعض الناس
تلاقى حاجات هايفة
الدكتور بييجي متأخر في الراوند
يا عيني .,., اضاع من وقتك الثمين
في حين ان مفيش حد بيشرح عدل
ولا بروجكتور شغال
ولا غياب عدل بيتاخد ., وييجي في الاخر يقلك اللي غاب يومين هينقص
وييجي في الاخر امتحان صعب !؟!؟!؟!؟!؟
طب على ايه الامتحان الصعب
بتسترد مجهودك اللي بذلته معايا

ويقلك الطلبة بياخدوا دروس
وتتحول المباراة ما بين القسم والدرس
وسقوط الطلاب ضحايا

وفي الاخر يقلك الجودة !!!!؟؟؟؟
واللي ادهشني ان كل الكلام دا معروف لادارة الكلية
ووكيل الكلية قال كل الكلام دا بنفسه في مؤتمر الكلية
انتم فاكرين نفسكم بتاخدوا راوندات
دي مجموعات شرح على صغير

اذا خدعوك فقالوا : راوند .,. سنوات كلينيكال .,., هتبقى دكتور

معلش طولت بس مخلصتش وللكلام بقية