متنسوش يوم الأتنين 18 فبراير .. يوم وقفة الأعتماد لكليتنا

سمعت عن الاعتماد و الجودة ؟؟
سمعت ان كليتنا المفروض تعتمد خلال 3 سنين ؟
يعنى ايه تعتمد ؟
يعنى لازم طرق التدريس و الامتحانات و المناهج و الابحاث تقابل المعايير العالمية
طب و لو مخدنهاش هيحصل ايه؟
شهادتنا مش هيبقى ليها لازمة و مش هنعرف نشتغل و لو كليه تانية خدت الاعتماد فرص العمل ليهم هتيقى احسن حتى لو انت جايب امتياز و ممكن يجوا يشتغلوا عندنا
ممكن تقول مش مشكله ، انا هاخد معادلة او زماله و اشتغل بيها برة مصر او حتى جوة مصر
بردك مش هينفع لانهم لو لقوا انك متخرج من كلية مش معترف بيها مش هيدخلوك الامتحان اصلا
هتقول انا اتخرجت خلاص و متعين
ساعتها بردك فرصك فى الشغل و الابحاث و السفر هتقل
طب نعمل ايه دلوقتى ؟
محتاجين مساعدة كل الطلبة فى الموضوع ده
عايزيين نعرف كل المشاكل و الحلول الى بتقترحوها
عايزين كل الطلبه تشارك علشان نحصل على الاعتماد
متعتقدش ان الحل فى ايد العميد و الدكاترة بس
دى مشكله هتأثر علينا من العميد لطالب سنه اولى
طب هنشارك ازاى؟
فى يوم كبير جدا هيتعمل فى الكلية تحت رعاية العميد و وحدة الاعتماد و الجودة
الاثنين 18 فبراير فى الكليه و المستشفيات
روح و شارك علشان تفهم المشكله بالضبط و كمان تعرف ممكن تساعدنا ازاى
متبخلش بربع ساعة من وقتك علشان تساعد فى حصول كليتنا على الاعتماد
و متقلقش بردك هيبقى فى حاجات ترفيهيه و مسابقات فى اليوم ده
لو مفهمتش حاجة من الى اتقال تعالى يوم الاثنين 18 فبراير و تفهم كل حاجة
هنستناكم